فیلڈ مارشل عاصم منیر کی ملٹری ڈپلومیسی سے بھارت کا دہشتگرد چہرہ بے نقاب

 

سیکیورٹی ذرائع کے مطابق فیلڈ مارشل سید عاصم منیر کے حالیہ دورۂ امریکا نے پاکستان کے مؤقف کو عالمی سطح پر مضبوط کیا اور بھارت کے دہشتگردانہ عزائم کو بے نقاب کیا۔ امریکا کی جانب سے بی ایل اے اور مجید بریگیڈ کو دہشتگرد تنظیمیں قرار دینا ان کی کامیاب ملٹری ڈپلومیسی کا نتیجہ ہے۔ ذرائع کا کہنا ہے کہ بھارتی خفیہ ایجنسی ’’را‘‘ نے فتنہ الہندوستان نامی گروہ کو مالی امداد، علاج کی سہولیات اور براہِ راست روابط فراہم کیے، جبکہ بھارتی میڈیا نے ان کی کارروائیوں کو جواز دینے کی کوشش کی۔ مودی اور اجیت دوول نے بلوچستان میں اس تنظیم کے ساتھ روابط کا اعتراف بھی کیا، اور کلبھوشن یادیو کی گرفتاری بھارت کی ریاستی سطح پر دہشتگردی کا واضح ثبوت ہے۔ ذرائع نے خبردار کیا کہ بھارت کے یہ عزائم نہ صرف خطے بلکہ عالمی امن کے لیے بھی خطرہ ہیں۔