سپریم کورٹ آف پاکستان نے لاہور ہائیکورٹ کی جانب سے پاکستان تحریک انصاف کے بانی عمران خان کی ضمانت کی درخواستیں خارج کرنے کے فیصلے پر سخت سوالات اٹھاتے ہوئے پنجاب حکومت کو قانونی وضاحت کے لیے نوٹس جاری کر دیا ہے۔ چیف جسٹس جسٹس یحییٰ آفریدی کی سربراہی میں تین رکنی بینچ نے کیس کی سماعت کے دوران کہا کہ عدالت ضمانت کے مقدمات میں میرٹ پر فیصلہ دے، اور کوئی ایسی ریمارکس نہیں دیں گی جو کیس پر منفی اثر ڈالیں۔ عدالت نے وکلا کو قانونی پہلوؤں پر مکمل تیاری کرنے کی ہدایت کی ہے تاکہ آئندہ سماعت میں مؤثر معاونت فراہم کی جا سکے۔ سماعت کو مزید آگے بڑھاتے ہوئے عدالت نے کیس کی اگلی کارروائی 19 اگست 2025 تک ملتوی کر دی ہے۔ واضح رہے کہ یہ اپیلیں لاہور ہائیکورٹ کے مختلف مقدمات میں ضمانت مسترد کیے جانے کے خلاف دائر کی گئی ہیں۔
0 Comments