پی ٹی آئی رہنماؤں کو 9 مئی کیس میں قید اور جائیداد ضبطی

 

انسداد دہشت گردی عدالت لاہور نے 9 مئی 2023 کو پیش آئے جلاؤ گھیراؤ کے واقعات میں پاکستان تحریک انصاف کے چار سینئر رہنماؤں ڈاکٹر یاسمین راشد، عمر سرفراز، میاں محمود الرشید اور اعجاز چودھری کو 10، 10 سال قید اور 6 لاکھ روپے جرمانے کی سزا سنائی ہے۔ عدالت نے ان کی جائیدادیں بھی ضبط کرنے کے احکامات جاری کیے ہیں۔ یہ فیصلے تھانہ شادمان اور تھانہ سرور روڈ میں درج مقدمات میں دیے گئے، جن میں ملزمان پر پرتشدد مظاہروں اور املاک کو نقصان پہنچانے کا الزام تھا۔ سپرنٹنڈنٹ جیل کو حکم دیا گیا ہے کہ وہ سزا یافتہ قیدیوں کو جیل میں منتقل کر کے سزا پر عمل درآمد یقینی بنائیں۔ یہ مقدمات پاکستان تحریک انصاف کے چیئرمین کی گرفتاری کے بعد ملک کے مختلف شہروں میں ہونے والے ہنگاموں سے متعلق ہیں۔