اسپیس اینڈ اپر ایٹموسفیئر ریسرچ کمیشن (سپارکو) نے ربیع الاول 1447 ہجری کے چاند کی متوقع رویت کے بارے میں پیش گوئی جاری کی ہے۔ ادارے کے مطابق چاند 23 اگست 2025 کو دن 11 بج کر 6 منٹ پر پیدا ہوگا۔ 24 اگست کو غروب آفتاب کے وقت چاند کی عمر تقریباً 32 گھنٹے اور 13 منٹ ہوگی، جب کہ ساحلی علاقوں میں غروب آفتاب اور غروب قمر کے درمیان دورانیہ تقریباً 45 منٹ کا ہوگا۔ اگر موسم صاف رہا تو 24 اگست کی شام کو چاند نظر آنے کے قوی امکانات ہیں۔ سپارکو کے مطابق ربیع الاول کی پہلی تاریخ 25 اگست 2025 کو ہونے کا امکان ہے۔
0 Comments