موڈیز نے پاکستان کی کریڈٹ ریٹنگ بہتر کر دی

 کریڈٹ ریٹنگ کی عالمی ایجنسی موڈیز نے پاکستان کی مقامی اور غیر ملکی کرنسی کی ریٹنگ سی ڈبل اے ٹو سے بڑھا کر سی ڈبل اے ون کر دی ہے۔ اعلامیے میں کہا گیا کہ پاکستان کا آؤٹ لک مثبت سے مستحکم کر دیا گیا ہے۔ موڈیز کے مطابق یہ اپ گریڈ پاکستان کی بہتر بیرونی پوزیشن اور آئی ایم ایف پروگرام میں جاری اصلاحات کا نتیجہ ہے۔ ایجنسی کو توقع ہے کہ پاکستان کے زرمبادلہ ذخائر میں مزید اضافہ ہوگا، تاہم ملک کو اب بھی بین الاقوامی پارٹنرز کی ضرورت رہے گی۔ قبل ازیں وزیر خزانہ محمد اورنگزیب نے کہا تھا کہ پاکستان کی معیشت درست سمت میں جا رہی ہے اور جلد عالمی ایجنسی سے مثبت خبر ملے گی۔