یومِ آزادی: کراچی اور لاہور میں مزار قائد و مزار اقبال پر گارڈز کی تبدیلی کی پروقار تقریبات

 

 پاکستان کے 78 ویں یومِ آزادی کے موقع پر کراچی میں مزار قائد اور لاہور میں مزار اقبال پر گارڈز کی تبدیلی کی پروقار تقاریب منعقد ہوئیں۔ دن کی شروعات توپوں کی سلامی سے ہوئی اور نماز فجر کے بعد ملکی ترقی، یکجہتی، امن اور خوشحالی کے لیے خصوصی دعائیں کی گئیں۔ کراچی میں مزار قائد پر پاکستان نیول اکیڈمی کے 91 کیڈٹس نے اعزازی گارڈ کے فرائض سنبھالے، جس میں پاک بحریہ کے سیلرز اور 4 خواتین کیڈٹس بھی شامل تھیں۔ مہمان خصوصی کموڈور تصور اقبال نے فاتحہ خوانی کی اور مہمانوں کی کتاب میں تاثرات درج کیے۔ لاہور میں مزار اقبال پر پنجاب رینجرز کے چاق و چوبند دستے نے پاکستان آرمی کو اعزازی چارج دیا۔