یوم آزادی اور معرکہ حق کی مرکزی تقریب اسلام آباد میں شاندار انداز میں جاری

 یوم آزادی اور معرکہ حق کی مرکزی تقریب جناح اسپورٹس اسٹیڈیم اسلام آباد میں جاری ہے، جہاں صدر مملکت آصف علی زرداری مہمان خصوصی ہیں۔ وزیر اعظم شہباز شریف، تینوں مسلح افواج کے سربراہان، قومی و غیر ملکی شخصیات بھی شریک ہیں۔ تقریب میں مسلح افواج کی شاندار پریڈ اور فضائی مظاہرہ ہو رہا ہے، جبکہ وزیراعظم معرکہ حق مونومنٹ کی رونمائی کریں گے۔ بھارت کے خلاف تاریخی فتح اور آزادی کا جشن پورے ملک میں جوش و جذبے سے منایا جا رہا ہے، ہر شہر اور گلی سبز ہلالی پرچم کے رنگوں میں رنگی ہوئی ہے۔ قومی اسمبلی نے اس موقع پر متفقہ قرارداد منظور کرتے ہوئے وطن کیلئے قربانیاں دینے والوں کو خراج تحسین پیش کیا اور سالمیت و خود مختاری کے تحفظ کا عزم دہرایا۔ شکر پڑیاں پریڈ گراؤنڈ میں عوام کیلئے طیاروں، ٹینکوں، توپوں، ریڈارز اور دیگر جنگی ساز و سامان کی نمائش بھی جاری ہے۔