پنجاب میں گرمیوں کی چھٹیوں کا شیڈول پھر تبدیل

 پنجاب حکومت نے ایک بار پھر اسکولوں کی گرمیوں کی چھٹیوں کے شیڈول میں تبدیلی کر دی ہے۔ محکمہ تعلیم کے مطابق پہلی سے آٹھویں جماعت تک کلاسز یکم ستمبر سے شروع ہوں گی جبکہ نویں اور دسویں جماعت کے طلبہ کے لیے اسکول 18 اگست سے کھلیں گے۔ او لیول، اے لیول اور انٹرمیڈیٹ کی کلاسز کا آغاز بھی 18 اگست سے ہو گا۔ وزیر تعلیم پنجاب رانا سکندر حیات کا کہنا ہے کہ یہ فیصلہ تعلیمی ماہرین سے مشاورت کے بعد کیا گیا ہے اور اس کا اطلاق تمام نجی و سرکاری اداروں پر ہوگا۔